Anders Fogh Rasmussen Lissabonimi oqalugiartunut pingaarnernut ilaavoq

Danmarkimi ministeriuneq, Anders Fogh Rasmussen, Afrika pillugu EU-p Lissabonimi ataatsimeersuarnerani pingaarnertut oqalugiartunut ullumi ilaasoq, oqarpoq, nunarsuarmi silap kissatsikkiartornera tamatumalu kinguneri naapertuilluanngilluinnartut.
decembarip 08-at 2007 13:20

-Silap kissatsikkiartorneranut Afrika pisuussuteqarpianngilaq, silalli pissusiata allanngoriartornerata kingunerinit sakkortuumik eqqugaavoq, Anders Fogh Rasmussen ilaatigut oqarpoq.

Silap pissusiata allanngoriartornerata kingunerisaanik Afrikami inuit 250 millionit imermik pilersuinikkut 2020-mi ilaatigut ajornartorsiuteqalernissaat paasisimasallit eqqoriarpaat.

-Afrikap ilaani naatitat taamanikkussamut, tassa ukioq 2020-mi, 50 procentimik aamma annikillisimassapput, tassa affaannanngorsimassallutik, ministeriuneq oqarpoq, nangillunilu:

-Silaannaap mingutsinneqannginnissaa pillugu isumaqatigiissuteqarnissaq EU-p Afrikallu soqutigisaraat. Silaannarmik mingutsitsinnginnissamik nunat tamalaat Kyotomi isumaqatigiissutaat 2012-imi naappat isumaqatigiissutip nutaap taassuma taanna taarsissavaa, Anders Fogh Rasmussen naggasiivoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq