Andap uparuaataanut Nikku akissuteqarpoq

Partii Inuit siulittaasuat Nikku Olsen isumaqarpoq Anda Uldumip Demokraatineersup Partii Inuit naalakkersuisooqatigiinnik teknikkikkut suleqatigiinnissamik isumaqatigiissummik atorunnaarsitsinerminnut tunngavilersuutaannik isornartorsiuinera eqqortuunngitsoq.
Allattoq Peter Troelsen, Nutaarsiassaqartitsivik / Nyhedsredaktionen
januaarip 10-at 2014 05:45

- Siullermik erseqqissaatigissallugu pisariaqarpoq, Anda Uldum’ip sangutitsiniarnera maluginiagassaammat; - oqartitsimmat Partii Inuit maleruaqqusat kisiisa tunngavigalugit suleqatigiinnermit peqataajunnaarnerat aallaaveqartoq, Demokraatit maleruaqqusat kisiisa tunngavigalugit suleqataalernerat. Tamannali eqqortuunngilaq, Nikku Olsen allappoq:

- Partii Inuit erseqqissaannassavarput, maleruaqqusat kisiisa tunngavigalugit suleqatigiinnermi akoorusukkunnaarneq tunngaveqarpiarmat, maleruaqqusat kisiisa tunngavigalugit suleqatigiinnerup atuutilerneraniit Demokraatit suleqataarusussutsimik takutitsisimanngimmat, akerlianilli isornartorsiuneq annertunerusumik alloriarfiusinnaasunik tikkuussinertaqanngitsoq ingerlassimallugu.

Akerlianik Partii Inuit isumaqarpugut uparuaatigisariaqartoq, Demokraatit imminnut iluaqutissarsitinniarnerullutik maleruaqqusat kisiisa tunngavigalugit suleqatigiinnermut akuliussimasut – ataatsimiititanilu issiaviit pissarsiarereeramikkik suleqatigiinnissamik isuma qimanneqareersoq.

Partii Inuit tungaanniit tamannarpiaavoq tikkuagarput tunngavilersuutigisarpullu, Nikku Olsen naggasiivoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq