Andreas Uldum, (D) aningaasaqarnermut naalakkersuisoq.Assi: Nanoq.gl

Anda: Tamaasa naalaarpagut

Aningasaqarnermut Naalakkersuisup Andreas Uldumip Partii Naleqqamit aningaasanut inatsit pillugu isumaqatiginniniarsimanermut saqqummiunneqartut ilisarisinnaanngilai.

-  Illuatungiliuttut kissaataat Naalakkersuisut tusarnaarusuttorujussuuaat. Aningaasanut Inatsimmut isumaqatigiissut siammasissoq kissaatigaarput, Andreas Uldum Partii Naleqqap aningaasanut inatsit pillugu isumaqatiginniniarnissamut peqataajumannginnera pillugu taama akissuteqarpoq.

Partii Naleqqap isumaqatiginniarnissamut peqataajumannginneranut pissutaanerarneqarpoq partiip kissaatigisai Naalakkersuisunit tusaajumaneqanngimmata.

Kingullermik isumaqatiginniartoqarmat aamma taama pisoqarpoq, Partii Naleqqap aningaasanut oqaaseqartartua Anthon Frederiksen KNR-imut taama nassuiaateqarpoq.

Aamma atuaruk Naleraq: Allaanngiivippoq ujaqqamut oqalulluni

Taama saqqummiussisoqarnera Anda Uldumip  ilisarisinnaanginerarpaa.

Aningaasaqarnermut naalakkersuisup tusagassiorfinnut nalunaaruteqarluni nassuiaateqarfigaa, Partii Naleqqap aningaasanut inatsit pillugu isumaqatigiinniarnermi kissaatigisai amerlernerit tusaaniarneqarsimasut.  

Andreas Uldumip assersuutitut taavaa, Partii Naleqqap nunalerinermut aningaasaliissutit millionit koruuninik amerlanerusunik kissaateqarnera. Aningaasaaliissutit 1 millionit koruuninik qaffanneqarnissaat akuersissutigineqarpoq,  taamaalilluni nunalerinermi imminut pilersornerup qaffassarneqarnissaannut ukiumut 6 millionit koruunit immikkoortinneqarlutik.

Aamma atuaruk Partii Naleraq aningaasaqarnermut inatsimmut isumaqatigiinniarnermi peqataasiamanngillat

Andreas Uldumip qulakkeerlugu oqaatigaa pinngitsoornagu piumasaqarluni isumaqatiginninniarnernut isertoqarsinnaanngimmat, soorlu Partii Naleraq taamaaliorsimasoq, kingornalu isumaqatigiissummi ilaatinneqannginneri pillugit tupigisimallugit.

- Partiit kikkulluunniit itigartitsisinnaatitaanngillat. Tamanna aamma Partii Naleqqamut atuuppoq, Anda Uldum oqarpoq,  illuatungiliuttullu partiiannut isumaqatiginniarsinnaatitaaneq ammatinneqarluni.  

- Partii Naleqqap isummani allanngortissappagu, ukiullu tulliani aningaasanut inatsimmut isumaqatiginninniarnernut peqataarusulissappat matuga ammavoq, Aningaasaqarnermut Naalakkersuisoq taama oqarpoq.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat