Anda: Qarasaasiaq angallattagaq meeqqat atuarfiani atuartunut tamanut

Demokraatini isumaqarpugut piumasarisinnaanngikkipput, angajoqqaat qaraasianik atuartuutiminnut angallattakkanik pisortussasut, aqerluusarseqqullugit nunguterutiseqqullugillu pimasaqarfigisarnerattut pillugit. Isumaqarpugut nunatsinni atuartitaanerup pitsaassusaanut apeqqutaasoq kikkut tamarmik qarasaasialerillaqqissitillugit ilinniartitaanissaat. Taamaattumik inuiaqatigiittut meerartagut qarasaasialerillaqqissinissaannut sakkussanik eqqortunik tunisariaqarpagut. Aamma taamaattumik atuartut tamaasa netbookimik assigisaanilluunniit angallattakkamik pilersortariaqarpagut.
 

-Aningaasartassai nassaarissaqqaarpagut. Aningaasaliissutit pioreersut iluanni imalluunnit aamma aningaasaateqarfiit tamatumunnga aningaasalersueqataarusussinnaallutik nalunaaruteqarsimasut atorluarsinnaavagut, taamaammat ernumanngilanga. Aningaasaliissutit annerpaartaat aamma Danmarkimi ilinniagaqartut danskit ilinniagaqarnersiutaannut nuutsinneqarnerinut atatillugu sipaarutitsinnit aaneqarsinnaapput, Anda Uldum oqarpoq, taassumalu ataasiartumik 17 mio. kr.-it missaannik aningaasartuuteqartoqarnissaa missiliorpaa siunissamilu susassaqarfimmut 5 mio. kr.-inik immikkoortitsisoqarnissaa naatsorsuutigalugu.

Demokraatit kissaatigaat siunissami meeqqat atuarfiani naammassisut soraarummeertassasut tamakkiisumik qarasaasiaq atorsinnaallugu. Atuartuut suliffeqarnermut appakaattussanngorunik tekstbehandlingimk, regnearkinik allanillu pisariaqartunik ilinniarsimassapput.

-Aamma ilinniartitsisut atuartunik qarasaasianik atuisunik ilinniartitsinissaannut pitsaanerusumik ilinniarsimanissaat eqqumaffigaarput. Tamannalu ilinniartitsisut ilinniaqqinnissamut periarfissaqarnerunissaannik periusiatsinnut naapertuulluarpoq. Ilinniartitsisut qulaatiinnarlugit ingerlanneqassanngilaq suleqatigalugilli ingerlanneqassalluni. Suut iluarsisariaqarnerinik taakku ilisimannittuupput, tamatumanilu immikkut ilisimasallit naalaartariaqarpagut, Anda Uldum knr.gl-imut nassuiaavoq.