Anda akileraartarnermut tunngasunik apeqquteqarpoq
Sulinermut ilanngaat pillugu nassuiaatip qaqugu naammassineqarnissaa aammalu tamatuma eqqunneqarnissaa qanorpiaq akeqassanersoq apeqqutigaa. Aammattaaq isertitanut akileraarutip procentpointimik ataatsimik appartinneqassagaluarpat tamanna Nunatta karsianut qanoq akeqassanersoq apeqqutigaa.
Sulisartut peqatigiiffiinut akiliutip ilanngaatigineqartarnera peerneqartuuppat taamatullu aamma inummut ilanngaatip appartinneqartuuppat tamanna Nunatta karsianut qanoq iluanaarutaasinnaatiginersoq Anda Uldumip aamma apeqqutigaa. Anda Uldumimittaaq ilanngaat nalinginnaasoq 10.000 koruuninik annertussusilik peerneqartuppat Nunatta karsianut qaoq iluanaarutaarutaatigissanersoq apeqqutigaa.
- 2012-mi ukiakkut ataatsimiinnermi Inatsisartuni amerlanerussuteqartut siunnersuuteqarnera naapertorlugu aalajangerpaat, akileraartarnermut inatsisip allanngortinneratigut sulinermut ilanngaatip eqqunneqarsinnaanera akilersorsinnaaneralu pillugit Naalakkersuisut nassuiaasiussasut, taamaasilluni sulinermut ilanngaat atulersinnaaqqullugu, Anda Uldum apeqquteqaatini taamatut tunngavilersorpai.
Nassuiaat ujartorneqartoq 2013-imi upernaakkut ataatsimiinnermi saqqummiunneqartussaasimagaluarpoq, qinersisoqarnerali pissutigalugu taamaatiinnarneqarluni. Qaqugulu naammassineqassanersoq Demokraatinit paaserusunneqarpoq.
-Apeqqutinnut allanut tunngatillugu, sulininnut pingaaruteqarpq, ataavartumik kisitsisit pillugit paasisimasaqarluartuarnissara pisariaqalissagaluarpat kisitsisinik annikilliliinissara annertusaanissaraluunniit, Anda Uldumip Naalakkersuisunut apeqqutiminut tunngavilersuutini taama naggaserpai.
