Anarnat soqutigineqalerput
Arferit ilaat, anarnanik taaneqartartut, nunarsuarmi aqqaamallaqqinnerpaapput; 2000 meterisut ititigisumi minutsit 90-t angullugit nerisassarsiortarput.
Anarnat 800 1.925 meterillu akornanni itissusilimmi aqqaamasarput.
Anarnat immap iluani taarluinnartumi imangertat nerisassarsiortarnerattut nerisassarsiortarput: nerisassatik maligaasat atorlugit sumiissusersiortarpaat.
Anarnat miluumasunut allanut naleqqiullugit ilisimasarfigineqarpallaarsimanngillat. Aatsaallu sakkutuut imarsiortut sungiusarnerminni anarnat 15-t silusimasut naammattoortalermatigik soqutigineqariartulerlutik. Sakkutuut umiarsuisa sumiissusersiutaasa anarnat qoqertarpaat sumiinnerinillu paatsiveerutsittarlugit, tamatumalu kingunerisaanik silutittarlugit.
Danskit ilisimatuui amerikamiut sakkutuuisa umiarsuinit misissuinerminni ikiorneqarput.
