Anaanat Norgemi najugallit atugarissaarnerpaapput

Anaanat Norgemi najugallit nunarpassuarni allani anaananut sanilliullugit atugarissaarnerpaapput. Nunat avannarliit sinneri aamma nunanut pitsaanernut qulinut ilaapput.

Anaanat atugarisaat pillugit nunat assigiinngitsut akornanni misissuineq ukiumoortoq suliniaqatigiiffimmit Red Barnetimit suliarineqartarpoq.

Suliniaqatigiiffiup saqqummersitaa kingulleq naapertorlugu Afghanistanimi anaanat nunarsuarmi atugarliornerpaapput. Kangia Qiterlermi Afrikamilu nunat arlallit aamma allattorsimaffimmi kingullernut ilaapput.

Misissuinermi arnat meeqqaallu nunani 164-iniittut peqqissusaat, iliniagaqarnerat aningaasatigullu atugarisaat nalilersuisnermut najoqqutarineqarput.

Nunat avannarliit akornanni Norge siulliuvoq, Sverige Danmarkilu nunat sisamaattut talimaattullu inissisimallutik, Finlandilu arfineq-aappassaattut inissisimalluni. USA nunat siuarsimasut akornanni normu 43-tut inisissimavoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat