Anaanat atugarliortut aamma eqqarsaatigisariaqarput

Danmarkimi peqatigiiffiup, Mødrehjælpen-ip, siunnersuutigaa, maajimi sapaatit aappaanni, "Anaanap Ullua"-nik taaneqartartumi, anaanaasoq naasumik tuniinnarnagu - anaanaasorpassuit, immaqa ulluinnarni atugarliortut, nuannaartinniarlugit arlaannik iliuuseqarfigineqartalissasut. Taakku immaqa inuuniarnermikkut ajornartorsiuteqarput, kiserliorlutik immaqaluunniit nakuusernermik ulluinnarsiuteqarlutik.

- Tamakku amerliartuinnarput, Mødrehjælpen-imi pisortaq, Mads Roke, Danmarkip Radioanit apersorneqartilluni oqarpoq.

Taanna taamaammat kaammattuivoq, anaanaasoq ullormi tassani naasunik tunigaanni/pajukkaanni anaanarpassuit ajornartorsiutillit aamma eqqaamaneqartaqqullugit:

- Arnat taakku ilaquttatik ilungersorlutik ullut tamaasa atatinniarsarisarpaat, Mads Roke nangippoq. Danmarkimi anaanat pineqaraluartut, isumassarsiaq ajunngivippoq, aamma maani Nunatsinni.