Anaanaq: Meeqqakka unatagaasarsimapput
- Meeqqat unatagaasarput ilai tilluartillutik aaginnanngorlutik, sunaana taamak anaanaalluni artornartigisoq.
Elly Christensenip erneri pingasut, tamarmik Tûgdlimmi ulloq unnuarlu angerlarsimaffiutigisumi najugaqarnikuupput. Ernera angajulleq ukiut qulit matuma siorna, ukiut marluk Tûgdlimmiissimavoq, ernerilu nukarliit marluk ukioq kingulleq novembarimiit maajip aallaqqaataata tungaanut, tassa Tûgdliup matunissaata tungaanut angallammiissimallutik.
- Ernera akulleq, tummeqqakkut igitaanikuuvoq isummittartillunilu. Ernera nukarleq, natermut igitaanikuuvoq, Elly Christensen oqarpoq.
Pillaatsit assigiinngitsut atorneqartarsimasut, Elly Christensen erniminit oqaluttuarfigineqartarsimavoq.
- Ernera angajulleq oqaluttuarfigitittarsimavoq inuusuttuaqqat mattartitaariarlutik napparummut majuartitaasarsimasut Elly Christensen oqarpoq.
Angallatip Tûgdliup saligaatsuusimannginnera peqqutaalluni, anaanaasoq maluginiagaqartalersimavoq.
- Ernera nukarleq tinupasuaranippoq, sunaaffa Tûgdlimmiittut fnatseqalersimasut. Anaanaalluni artornaqaaq, allaanngilaq oqaluttuat tamakku upperineqarneq ajortut. Aatsaat massakkut iliuuseqartoqalerpoq, meeqqat inuusuttuaqqallu sequmereeramikkit, Elly Christensen, ernerminik pingasunik Tûgdlimmi najugaqarsimasuuteqartoq taamak oqarpoq.
