Anaananngujaartartunut siunnersuisarfik iluaqutigineqaqaaq
- Inuusuttuaraallutik meerartaarsimasut ilarpassui ulluinnarni naapissinnaasaminnik isumasioqatissaqarneq ajorput. Maani assigiinnik ajornartorsiuteqarlutik naapittarlutik isummersoqatigiittarsinnaapput. Anaananngujaarsimasut ilaqutariilluunniit inuusuttut maani assigiinngitsutigut, soorlu inissaminnik qinnuteqarnissaminnut siunnersorneqarsinnaapput.
- Maanngartartut ajornartorsiutitik qaangerniarlugit nalornisoorunik siunnersorneqarsinnaapput, inissaminnilluunnit qinnuteqarniarunik maani ilagaluta immersuisinnaapput, siunnersuisarfimmi pisortaq, Anke Herlev, oqarpoq. Siunnersuisarfik ammaqqammigaluartoq atuisartunit iluarisimaarneqaqisoq, assigiingitsorpassuartigulli siunnersortariaqartut ima amerlatigaat tamaasa uagut ikiorsinnaagunarnatigik, Anke Herlev oqarpoq. Angajoqqaanngortummi ilaasa meeqqalluunniit qanoq paarineqarnissaa qanorlu pisariaqartitsinera nalornissutigisarpaat. Tamakkununnga tunngasut pillugit ikiorsinaavagut soorlu pikkorissartitsinikkut, angerlarsimaffimminnili ikorfartorneqarnissaannut tunngasut pillugit uagut ikiorsiiffigisinnaanngilagut, Nuup Kommuniani meerartaajaartartunut siunnersuisarfimmi pisortaq, Anke Herlev oqarpoq.