Anaanamik kalaallimik filmiliaq takuteqqaarneqarpoq
Filmi Lotte Grandjean-imit suliaavoq, tassaallunilu niviarsiarannguutilluni Kalaallit Nunaannit anaanani qimallugu aanakkumini alliartussalluni aallartitaasimanermik oqaluttuaq, taama aviisi politiken.dk allaaserinnippoq.
Lotte Grandjeanip inersimasunngorluni Kalaallit Nunaannut tikeraarluni ilaquttaminik naapitsinerminik oqaluttuai misigisaalu filmimi oqaluttuarineqarput.
Filmi tassaavoq filmertarfimmi Cinemateket-mi filmit sivikitsuliat aqqanillit ippassaq takutinneqartut ilaat.
Takutitsineq qulequtaqarpoq 'Mødre og Døtre' 'Anaanat paniillu'. Anaanat paniisalu kulturinit danskiunngitsuneersut imminnut attaveqarnerat filmini takutinniarneqarpoq. Kalaallimik anaanamik panianillu filmiliaq 13 minutsinik sivisussuseqarpoq.Aningaasaateqarfik C:NTACT, Isiginnaartitsisarfimmi Betty Nansen Teatret angerlarsimaffeqartoq filmiliornissanik isumassarsisuuvoq.