Ammeriviup siulersuisuisa politikerit akuliuteqqunngilaat
Ualimut Great Greenlandimi siulersuisut ataatsimiipput – taakku Great Greenlandip pisortaa Michael Nielsen tapersersorluinnarpaat.
- Bestyrelse ullumi ataatsimiippoq, nalinginnaasuunngilaq ataatsimeereernerup kingorna ataatsimiinnerup imaa avammut saqqummiuttassallutigu. Kisianni tassa ippassaq pisimasoq pissutigalutigu pissusissamisoorsorisimavarput anitaqarniarluta. Siullermik Michael Nielseni sooq atorfimminiit tunuartinneqanngila? Direktøriuinnarpoq. Aappassaattut bestyrelseminngaanniit tamarmiulluta Michael Nielsen tapersersorparput tatigaarput taamaammallu direktøritut ingerlaannarnissaa kissaatigaarput, Anders Brøns oqarpoq. Nangipporlu:
- Uagut bestyrelsemiittuusugut, bestyrelsep suliassai eqqissilluta suliarisinnaasuugaluarutsigit, taavalu aamma politikerit politikeritut suliassatik suliaralugit, tamanna pitsaanerpaajussagaluarpoq taamaalilluta aamma akersuuttoqarani illuatungiliuttoqarani kisiannili Hjemmestyreminngaanniit piginneqataaffigisatik ikiorserlugit pisuugunik siunissaq taanna pitsaanerpaajussagaluarpoq, Great Greenlandimi siulersuisut siulittaasuat oqarpoq Anders Brøns.
Politikerit Great Greenlandimeersullu aqagumiit oqaloqatigiissapput.
Taamatut naapinnissaq decembarimili pilersaarutigereersimavaat.
