Ammeriviup pisortaata tusatsiakkat saqummiunneqarneri nuannaarutigai
Kalaallit Nunaata Ammeriviani pisortaanerup, Michael Nielsenip, Canadami puisit amiinik pisiniarnerup amigartoorutaasimaneranik pasilliinerit oqaaseqarfigerusunngilai. Tusatsiakkalli saqqummiunneqarneri iluarisimaarlugit.
Michael Nielsenip tusatsiakkat tamarmik saqqummiunneqarnerat assut nuannaarutigaa, pasilliutit apeqqutillu aalajangersimasut ilanngullutik saqqummiunneqarmata. Aamma qujassutigaa tamaasa qulaajarneqassammata paasititsiniutigineqassallutillu.
- Maanna sunarpiaq pineqarnersoq paasinarsivoq. Taamaalilluta ataasiakkaarlugit apeqqutit akisinnaalissavagut, Michael Nielsen oqarpoq.
Canadami puisit amiisa pisiarineqarneri amigartoorutaasimanersut paasiniaaffigigatsigu akivoq, massakkorpiaq ataasiakkaat pillugit oqaaseqarusunnani.
- Siulersuisut Namminersornerullutillu Oqartussat apeqquteqaatigisimasaat pisussaaffipput malillugu akissavagut, Michael Nielsen oqarpoq.
Ammerivimmullu tunngatillugu massakkut pisut eqqarsaatigalugit Ammerivimmi sulinerminnut sunniuteqarnersoq Michael Nielsen aperineqarami akivoq, soorunami tusatsiagarpassuit tusartarneri nuanninngitsoq.
Michael Nielsenip pisut politikkertaqarnersut akuliuffigerusunnagu ilanngullugu oqaatigaa.
