Ammerivimmi sulisut ikilineqassapput

Nunatta ammeriviata Great Greenland-ip mersortarfia aappaagu 2006-imi sulisuerussasoq ilisimatinneqarsimallutik, Qaqortup kommuniani borgmesteri Simon Simonsen oqarpoq. Tamannalu pinngitsoortinniarlugu Naalakkersuisunut saaffiginnissuteqarput.

Ulloqeqqanut radioaviisimi oqaatigineqaraluarpoq, ammeriviup mersortarfiata sisamanik ilinniartoqartarnera unitsinneqassasoq, Namminersornerullutik Oqartussanit tapiissutit 2,9 million koruunit unitsinneqassappata. Simon Simonsenilu oqarpoq, ilisimatinneqarsimallutik mersortarfimmi sulisut 20-t missaat aappaagu soraarsinneqariaannaasut, pisortanit tapiissutit unitsinneqassappata.

- Ammeriviup pisortaata ullaap tungaa ataatsimeeqatiginerani ilisimatinneqarpugut, mersortarfiup matuneqarnissaa pinngitsoorneqarsinnaajunnaassasoq 2006-ip ingerlanerani, arnallu sulisorineqartut 15-init 20-nut amerlatigisut suliffissaarunnissaat naatsorsuutigineqassasoq, Simon Simonsen oqarpoq.

Taanna isumaqarpoq, Naalakkersuisut eqqarsaqqittariaqassasut, 2,9 million koruunit nunatta aningaasaqassusaa eqqarsaatigalugu annertugisassaangimmata. Aamma suleqatigiinnikkut mersortarfiup ingerlaannarsinnaanera anguneqarsinnaasoq borgmesteri isumaqarpoq.

- Aamma suleqatissaaleqinngilagut, soorlu Sulinermik Inuussutissasrsiuteqartut Kattuffiani siulittaasoq suleqataanissamut piareersimasoq, Simon Simonsen oqarpoq.

Great Greenland-ip siulersuisui ammeriviup mersortarfianik matusiartuaarnissamik aalajangertariaqalersimapput, nunatta karsianit tapiissutit 2,9 million koruunit peerniarneqarmata.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat