Ammerivik Eskimo Pels akiliisinnaajunnaarpoq

Narsami Ammerivik Eskimo Pels ajornartorsiungaatsiarpoq.

Suliffeqarfik, maanna qulingiluanik sulisoqartoq, Narsap borgmesteria, Kiista Isaksen, naapertorlugu, akiliisinnaajunnaarluni nalunaarpoq.

Eskimo Pels 3,5 million koruuninik siorna kaaviiaartitaqarpoq. Naggataagulli 50.000 koruunit missaannik amigartooruteqarluni.

Ammeriviup pisortaanera, Sheila Kolding, Eskimo Pelsip ajornartorsiornera pillugu oqaaseqarusunngilaq.

Siulersuisut aamma oqaaseqarusuppallaanngillat.

Siulersuisuni ilaasortap Jørn Holdingip ilisimatitsissutigaa siulersuisunut ilaasortat ualeru nalunaaqutaq pingasunut ataatsimiissasut.

- Suliffeqarfiup siunissaa oqaluuserissavarput, Jørn Holding oqarpoq.

Eskimo Pelsimi siulersuisut ualeru ataatsimeereerpata, nalunaarummik nassitsiniarlutik ilisimatitsipput.

Ammerivik Eskimo Pels siusinnerusukkut akiliisinnaajunnaareerpoq. Tassa 1992-imi, kingornali piginneqatigiiffimmik pilersitsisoqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat