Ammerisoq: Ammit meqquiarlugit atuarluarnerusinnaagaluarput
Rasmine Kristensenip ameq meqquiagaq makkununnga piukkukkaluarpaa.
- Puisit amiisa meqqui piiarlugit læderinngorlugit, taamaalillutik sunut tamanut atorsinaanngussapput ammit meqqoqanngitsut aaqqatiliarineqarsinnaallutik, kavaajaliarineqarsinnaallutik pequtinut qaliliarineqarsinnaapput. Rasimine Kristensen oqarpoq.
Tassa puisit amii uninngasuutigineqartorpassuit meqquiarlugit tunisassiarineqarnissaat atorluarneqarsinnaalluartut erruutitullu atugassanngorlugit nioqqutissiarineqarsinnaalluartut, mersortartutut ilinniarsimasoq Rasimine Kristensen oqarpoq. Aamma puisit amii mamaaraluartut atorluagassanngorlugit tunisassiarineqarsinnaasut isumaqarpoq.
Great Greenlandilli isuma tanamma imaaliallaannagassaasorinngilaa.
- Great Greenlandimi uagut periarfissaqanngilagut amernik meqquiaanissamik. Tamakkununngami maskinat immikkut illuinnartut piginngisagut pisariaqartinneqartarmata, Henrik Estrup oqarpoq nangillunilu:
- Suliffeqarfiup siornatigut misilereerpaa amernik meqquiakkanik nunanit allanit suliaqartitsilluni, taamaalillunilu aaqanngitsunut, atequtinut kavaajannut mersukkanut atorlugit, taamaammat puisit amii tunisassiarineqarluarsinnaapput, Henrik Estrup oqarpoq.
Aporfissarlu tassaanerarpaa nersorsuup amianik meqquiakkanik tunisassiornerup unammilleruminaannera, nersussuit ima angitigisaramik ammip ataatsip nalaasaarfik qallersinnaasarlugu puisillu amii mikinerugamik ilaartortariaqartassallutik, Henrik Estrup-ip aamma akitigut unammillernissaq angujuminaassasoraa.
