Ammerisartut ilungersunartorsiulersinnaapput

Canadami puisit aavaartarlugit pisat amiinik Great Greenlandi pisarsimapput nunatta puisit amiinik avammut tunisassiornera 1980-sikkunni puisit amiinut atatillugu pisoqarnerasulli annertuumik eqqugaasinnaavoq, taama isumaqarpoq ilusilersuisartutut ilinniagaqarsimasoq Nuummilu namminersorluni mersortarfiuteqartoq Anna Nuka Olsen.

-Eqqarsariarnartoqartippara nunatsinni piniartortagut ukiuni makkunani taama ilungersunartorsiuleruttortut Great Greenland avataaniit taama pisiortortarsimassappat, taamaassimassappammi assut kipiluttunartumik ilungersunartumillu inississaagut, Anna Nuka Olsen radioaviisimut taama ullumi oqarpoq.

Nunatsinni nammineq pigisatta atorluarnissaat eqqarsaatigalugu, Kalaallit piniartut sumiginnarneqartut, mersortarfiillu nunatsinniittut amminik garvikkanik suliaqartut eqqarsaatigalugit allaat killuunneqartutut misigisimanartoq, Anna Nuka Olsen tikkuaavoq.

- Nalunngilarput ameq nunatsinni piniartut pisaat nunatsinnilu amernik mersortarfiutillit suliaat nunatta avataanut pitsaanerpaatut tuniumasaripput, ammillu nunatsinneersut avataani suli piumaneqarluartuummata

nunatsinni ameq tunngavigalugu namminersorlutik suliaqartut taamaasillutik aamma ilungersunartumik eqqorneqariaannaapput, uppernassuserput taama innarlerneqassappat, Anna Nuka Olsen Rosing, ilusilersuisartoq namminersorluni Nuummi mersortarfiutilik taama erseqqissaavoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat