Ammassallip kommunia innarluutilinnut nammineq aningaasaliisarallarpoq

Ammassallip kommunea isumaginninnermi maalaaruteqartarfimmut naammagittaalliuteqaqqammerpoq, ukioq manna innarluutilinnut sullissinermi Namminersornerullutik Oqartussat sapaatip akunneranut taammaallaat nal.ak. 20-nut aningaasaliissuteqarsimammata, naak ukiut siuliini tiimit atugassanngortitat sapaatip akunneranut 100-uugaluartut. Taammaammat kommunip nammineerluni ukioq manna ukiup affaa siulleq innarluutilinnut sullissinini aningaasalerallartariaqarsimagaa borgmesteri Vittus Mikaelsen oqarpoq.

Oqarpoq aningaasat Namm. Oqartussaniit Ammassallip kommunianut utertinneqartussat maannamut 2 mio. kr.-it missarluinnaanik amerlassuseqalersimasut, kommunalbestyrelsimilu ilimagigitsik aningaasat taakkua utertinneqassasut pissutigalugu aaliangersagaqarmat innarluutilinnut sullissinermi aningaasartuutit tamarmik Namminersornerullutik oqartussaniit isumagineqartassasut.

-Kaajallaasitaq qimerloorsimavarput, tassanilu allaqqavoq innarluutillit sullinneqarneranni Namminersornerullutik oqartussat tamakkiisumik aningaasaliissuteqartassasut, Vittus Mikaelsen oqarpoq

Namminersornerullutik oqartussani ilaqutariinnermut pisortaqarfimmiit inassutigineqarsimavoq, kommunip innaarluutilinnut kiffartuusinerani 20 tiimit sap. akunneranut atorneqassasut kommunip akuerissagaa, imaluunniit kifartuusineq unitsinneqassasoq.

Taammaammat Ammassallip kommunia taamatut isumaqanngimmani aningaasaliigallartariaqarsimavoq. Aningaasat innarluutillit najugaqarfiinut marlunnut atorneqassasut naatsorsuusaavoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat