Ammassallip Kommuneani sipaarutissat ujarneqarput
Taamaattumik kommunip aningaasartuuteqarfigisartagai konto-t tamaasa, kommunip aqutsisaqatigiivisa sapaatit akunnerani qaangiuttumi misissoqqissaarpaat, sipaarutissanillu nassaarlutik.
Kommunit nakkutilliisoqarfianneersut allaffissornikkut pisortaq Leif Scharling siuttorulagulu sapaatit akunnerani kingullermi Tasiilamukarput:
Sipaarutissat 6 aamma 8 million koruuninik aningaasartallit aqutsissoqatigiit nassaarisimavaat, Leif Scharling aallartippoq.
Sipaarutissatut nassaarineqartut aningaasaqarnermut ataatsimiititaliamit, ualiartoq nalunaaqutat ataatsiniit ataatsimiittumit akuereqqullugit saqqummiunneqarput. Kingornalu kommunalebstyrelsimut akuerisassanngor-tinneqassallutik.
Immikkoortoqarfiit tamarluinnaasa sipaaqquneqarsimapput sorpiaanersulli Leif Scharling-ip oqaatigiumanngilai.
18,4 million koruuninik kommuni atorniaraluarpoq, sipaarutissalli 6 aamma 8 million koruuniullutik nikingangaatsiarput:
- 18,4 million koruuninik atorsinnaanngillat, kisiannili
Kommunip ukioq anigorsinnaavaa akiliisinnaajunnaarnermik kinguneqanngitsumik. Kisianni 6 aamma 8 million kr.ninik pinngitsoorani sipaartoqassaaq, taamaanngippat ajutoortoqassaaq, Leif Scharling oqarpoq.
Soormitaava aningaasaqarnikkut kommuni ajutoorpa:
- Aningaasanik atuisoqarpallaarsimavoq, karsimit unin-ngasuutinit amerlanerusunik aningaasartuuteqartoqas-sanngilaq. 2007-milu atuisoqarpallaarsimavoq.
Aningaasarsianut, inunnik isumaginninnermut allanullu martsimi akissaarutipajaartoqarsimagaluarpoq.
Aprilimi majimilu taamaassimallunissaaq, kisianni aasamut ukiamullu ajornaviassanngitsoq oqaatigaa.
Tassa kommuni nakkutilliisunit alaatsinnaaqqissaarneqalissanerluni:
- Kommuni aamma imminut nakkutigeqqissaartariaqartoq oqartoqarsinnaavoq.
Kommunalbestyrelsi sipaarutigeqquneqartunik akuersinngippat una kingunerusinnaasoq oqaatigaa:
- Taava kommuni navianartorsiulissaaq avataaniit nakkutilliisunit aqunneqalernissaminut. Kommunit nakkutilliisuisa allaffeqarfiani pisortaq Leif Scharling oqarpoq.
Ammassallip kommuniani Kommunalbestyrelsi junip ulluisa aappaani ataatsimiissaaq
