Ammaanersiornissamut uiverratilerput

Eqqiaasut, sanasut, pisinniarfiutillillu ulapputtunnguupput. Pisiffiullu sulisui tungujortunik qaamasunik ilulleqartut pisinniarfissuarmi pisinniarfissaminni uteqattaaginnavillutik maanna ulappupput. Pisiassat sanasullu sakkui pisinniarfissarsuup paarliini sumi tamaani takussaapput, taakkuli tallimanngornermi naammassisimallutik ammaamersiornermi pisinianik taarserneqartussaassapput.

-Pisinniarfissarsuarmi pisinniarfeqarsinnaanissatsinnut neqeroorfigineqarnerput kingusippoq, taamaattumik ulluni kingullerni ulloq unnuarlu maani piareersaalluta sulisariaqarsimavugut. Pisinniarfiuteqarnitta saniatigut suliffeqarpugut, pisinniarfiullu nuunnissaa piffissamik annertuumik tigusimmat annertuumik sulingaatsiarsimavugut. Annilaangassutissaqanngilangali, tallimanngorpammi Nuuk Center ammarneqarpat piareereersimassaagut. Naluarali unnuaru sinikkumaarnerluta, Ingo Nielsen, Ivik Motzfeldtilu Eskimanimik pisinniarfiuteqartoq qungujulluni taama oqarpoq.

Sanasut suliassaminnik naammassigunik isikkui qasorpasissaqaat, eqqiaasullumi aasiamiut natseq pujoralattoq asatassartik isigalugu qasorpaseqaat. Taamaakkaluartorli neriuuteqarluartunik atisagissunillu Kalaallit Nunaanni pisinniarfissuup siulliup ammarneqarnissaa utaqqineqarpoq. Pisinniarfissuaq millionerpassuit atorlugit sananeqarsimavoq, illoqarfimmilu pisinniarfiit arlallit ulluni kingullerni matoqqasimapput, pisinniarfissuarmut nutsernermik tunngaveqartumik.

Tallimanngornermilu pisinniarfissami ulappunnerit kinguneqarluarlutik pisinnianik iserfigineqarumaarput.