Islandimi politikkikkut ineriartorneq, nunallu aningaasaqarnikkut ajornartorsiornera, inuppassuit akerliuffigigitsik nittarsaappaat, tallimanngormallu pisumut assingulluinnarpoq, tassa iliuuseqarniat manninnik puiaasanillu ulloq taanna milloormata. Nittartakkami visir.is-imi tamanna allaaserineqarpoq.
Naalakkersuisunut aningaaserivinnullu akerliusut tassaanerupput inissiaatilippassuit, Islandip aningaasaqarnikkut ajornartorsiornerani akiligassarpassuaqalerlutik, illuminnik inissiatiminnilluunniit pinngitsaalisaallutik maanna immaqa tuniniaasariaqalersut.
Islandimiut 40.000-ingajaat akiliisinnaajunnaarlutik illuminnit inigisaminnilluunniit qimagunnissartik ernummatigaat.
Ministeriunerusimasoq Geir Haarde Islandimi aningaaseriviit 2008-mi ajalusoormata sumiginnaasimasutut rigsret-imut sassartinneqassasoq Altingimit sapaatip akunnerani kingullermi aalajangerneqarpoq.