Amigartoornissaq akueriumanngilaat
Aningaasanut inatsisissaq Demokraatit isumaqatiginngilaat. Taakkua isumaqarput aningaasanut inatsisissaq amigartoorfiusussatut inissinneqartariaqanngitsoq, sipaarfiusinnaasunilli ujaasisoqartariaqartoq. Sipaarfiusinnaasumik siunnersuuteqarnerminni 144,4 mio.koruunit sipaarneqarsinnaasutut Demokraatit siunnersuuteqarput.
- Sipaarniuteqarnissamik najoqqutassap siunertaraa Inatsisartut sipaarniutissanik nassaarniarnerini assigiinngitsunik periarfissinniarlugit, amigartoornissamik missingersuut taamaalilluni piissagaluarmat. Sinneqartoornissap pingaaruteqarneranut pissutaavoq, Kalaallit Nunaata aningaasarsiornera taama sanngiitsiginngimmat, soorlu naalakkersuisut taama isumaqartitsinniarsarigaluartut, Demokraatit oqaaseqartartuat Lene Knüppel oqarpoq.
Sipaarniarfissatut Demokraatit siunnersuutaanut ilaavoq inatsisartut ataatsimiittarfiata allineqarnissaata kuinguartinneqarnissaa. Lene Knüppel aamma isumaqarpoq aningaasaqarnikkut siuariartorneq uuliap akitsoriartorneranik aningaasalluunniit atukkat erniaasa qaffassinnaanerinik aningaasaqarnerup pitsanngoriartornerata killormut ingerlalerneranik kinguneqarsinnaasoq.
