Amersissaarneq piniartunut kinguneqassaaq

Danmark nunanit allanit tamanit puisit amiinik Canadameersunik pisinerpaasarpoq, Kalaallillu Nunaat puisit amiinik Canadameersunik pisissaarmat Canadami piniartut annertuumik eqqugaasussanngorput, taama akilinermi nutaarsiassaqartitsivik CBC aallaaserisaqarpoq.

Nunavumi avatangiisinut ministeri, Olayuk Akesuk CBC-mut oqarpoq Nunavumi puisinniarneq avatangiisinit sunnertiaqisoq annertuumik eqqugaariaannaasoq.

Nunavumi piniarnermik inuussutissarsiuteqarneq taperserniarlugu ammerinermik ilinniagaqarneq annertuumik aningaasaliiffigineqartarpoq, tamatuma saniatigut puisit amii maanisulli akitigut tapeqartinneqarlutik.

Taamaakkaluartoq Nunavumi avatangiisinut naalakkersuisoq, Olayuk Akesuk isumaqarpoq Paggivittami piniartut namminneerlutik pitsaanerusumik atugaqalernissaminnut suleqataanerusariaqartut.

- Paggittarmiut puisittamik amiisa pitsaanerusumik neqeroorutigineqarsinnaanerat allatullu tunisassiarineqarsinnaanerat eqqarsaatiginerusariaqarpaat, Olayuk Akesuk erseqqissaavoq.

Uumasunik illersuiniaqatigiiffiit puisit amiinut Canadameersunut akerliuniarnerata puisinniarnermut qanoq annertutigisumik innarliinera nalunartoq, tamannali North Bayimi ukioru decembarimi amernik akitsorterussinissami takuneqarsinnaajumaartoq, Olayuk Akesuk oqarpoq.

Nunatta Nuvullu innuttaasa naggueqatigiinnerat eqqarleriinnerallu eqqarsaatigalugit nunatta akilinermi puisittat amiinik pisissaarnera ajuusaarnartuutinerarpaa.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat