Amerossi Inc. nunatsinni suleqatissarsiorpoq
Allattoq Mads Lynge
Amerikami avannarlermiut suliffeqarfiutaat uuliamik gas-imillu ujaasinermik ingerlatsiviusoq, Amerossi EC Inc., tusagassiuutinut nalunaarummini allappoq, nunatsinni misissueqqissaarnissamut suleqatissaminnik isumaqatiginninniarlutik aallartissimallutik.
- Kalaallit Nunaat nunarsuarmi suli ilisimaneqarpianngitsut ilagaat, uuliamik, gas-imik aatsitassanillu erlinnartunik annertuunik nassaarfiusinnaasoq, suliffeqarfiup siulittaasua oqarpoq.
Taanna aamma oqarpoq, nunarsuarmi nukissamik qitiusumik Kalaallit Nunaata pilersuisunngorsinnaanera suliffeqarfiup mianersortumik ilimagisinnaagaa.