Amernik mersoriaatsit nersorniarneqarput

Allattoq Mads Lynge
juunip 21-at 2005 14:25

Inuiattut ullorsiornitsinni pisut amerlaqisut pingaarnersaasa ilagaat kulturikkut nersornaasisarneq, tamannalu Katuap inersuaraani ullumi ullaap tungaani nalliussineqarpoq.

Ukioq manna kulturikkut nersornaasiinermi amernik mersoriaatsip tammatsaaliorneqarsimanera toqqaanermut pingaaruteqarsimavoq.

Nersornaaserneqartut tassaapput marlulissat 76-inik ukiullit Benedikte aamma Regine Brandt, Iginniarfimmi inunngortut.

Benedikte aamma Regine Brandt suli 30-liinatik Kalaallit Nunaanni mersullaqqinnerpaat ilaattut ilisimaneqalerput, taamaniillu noqqaaffigineqalerlutik, kultureqarnermut naalakkersuisup Henriette Rasmussenip nersornaasiinermi oqalugiaammini ilaatigut oqarpoq, nangipporlu:

- Bentitap Reginellu avittagaanni kusanartuliat centimeterip kipparissunnguup iluani katersortarpaat ilutsit oqimaaqatigiissaakkat pinnerluinnartut, Kultureqarnermut naalakkersuisoq Henriette Rasmussen oqarpoq.

Benedikte aamma Regine Brandt sinnerlugit ilaqutaasoq qujassuteqarluni oqalugiaateqarpoq, marlulissallu pissarsiarisinnaasimanngilagut.