Amernik aaqqassiorneq Danmarkimi katersugaasivimmi ilinniartitsissutigineqassaaq
Amernik aaqqasiortitsineq pissaaq Moesgårdip katersugaasiviani, Århusip kujataani 10 kilometerisut ungasitsigisumiittumi. Saqqummersitsinerup "Polarrejsen - fra Grønland til Stillehavet" ilaatut aaqqissuussinerussalluni. Saqqummersitsineq januaarip pingajuat ilanngullugu ingerlanneqassaaq , issittumilu atisaliortarneq tassani sammineqassalluni. Assersuutigalugu puisip amia atorlugu aningaasiveeqqanik mersorneq aamma kalaallit pinnguaataannik sananeq ukiaanerani meeqqat atuanngiffeqarneranni ilinniartitsissutigineqarput. Issittumi amernik mersoriaatsimik Nauja Fleischer sapaatip akunnerata tulliata naalernerani pikkorissartitsissaaq aammalu ikaartiterisartup kalaallip Magga Karlsenip suliai arlallit Narsap katersugaasiviata aaqqissorsimasai saqqummersinneqassallutik. Knud Rasmussenip tallimassaanik Thulemut ilisimasassarsiorluni angalanermini tujuulussuarisimasaata assinganik nuersagaq Moesgårdimi saqqummersitsinermi aamma takuneqarsinnaassaaq. Assit nutaanngitsut aallaavigalugit tujuulussuaq Nauja Fleischerip nuersarsimavaa.
Orpikkat nuersaanermullu ilitsersuutit katersugaasiviup pisiniarfiani aamma pisiarineqarsinnaapput, taamaalilluni Knud Rasmussenip tujuulussuata assinganik nammineerluni nuersaalluni aallartittoqaannarsinnaalluni.