Amerlaqisut atornerlunneqarsimapput
Inuusuttuaqqat kinguaassiutikkut atornerlunneqartarnerannit kisitsisit saqqummiunneqartut annertugisassaapput.
Kisitsisit ”Kalaallit 2004-mi inuusuttut atugaat”, pillugit nalunaarusiami atuarneqarsinnaapput.
Nukappiaqqat misissuinermi peqataatinneqartut 9 procentii niviarsiaqqallu 28 procentii suli 15-inik ukioqaleratik kinguaassiutikkut atornerlunneqarsimapput.
- Kisitsisit tupaallannarput, allaallu kukkusoqarsimasorinarmat pingasoriarlugit uteqattaarlugit misissorpakka, piviusuuppulli, misissuinermi aaqqissueqataasoq Peter Bjerregaard oqarpoq. Nunarput ullumimi itinerusumik tamanna sammineqassaaq, peqqissutsimut naalakkersuisoq Asii Chemnitz Narup ilaatigut apersorneqassalluni.