Amerlanerusut Danmarkimut nutsernissaat IA-kkormiup ernummatigaa

- Neriuppunga susassaqartut tamarmik isumaqatigiissutigissagaat; nunatsinni kinaluunniit aqqusininnarmut ilineqassanngitsoq. Taamaliortoqalissappat, ernummatigaara Danmarkimut nutserneq kiisalu angerlarsimaffeqanngitsuuneq atugaanerulissasoq, Juliane Henningsen, Inatsisartut Ilaqutariinnermut Peqqissutsimullu Ataatsimiititaliaanni ilaasortaq oqarpoq, nangillunilu:

- Tamanna pineqartumut inuiaqatigiinnullu nukittunerulersitsinavianngilaq. annermillu Nuummi innuttaasut pineqartut ernummatigaakka; taakkua inissianut nammineq attartortakkanut innersuunneqarsinnaanngimmata; tamanna ingasalluinnassaaq, Juliane Henningsen oqarpoq.

Kommunit Naalakkersuisullu oqaloqatigiillutik aaqqiissutissarsiortariaqarput
Inissianik attartortut inigisaminnit anisitaasimasut A/S Inissiaatileqatigiiffup INI-p inissiaataanni najugaqarallartinneqartut sukateriffigineqarnerat, KNR-ip ulluni kingullerni oqaluttuarai.

Inuit A/S INI-p inisseeqqittarfiiniittut pillugit, kommunit Naalakkersuisullu oqaloqatigiillutik pilersaarusiortariaqaraluartut, Juliane Henningsen isumaqarpoq.

AAMMA ATUARUK VIDEO Ineqarnermut akiliutinik kinguaattooruteqartut kingunerlutsitserujussuartut