Amerlanerusunik meerartaarusupput
Akerliussutsimik takutitsinerit Kina-p kujataata´kitaani ullap´tungaani sakkortusigaluttuinnarsimapput, taama allappoq, Ritzau.
Biilit uppikaatinneqartarsimapput, akerliussutsimillu takutitsisut qarmaq putuinnarlugu pisortat illuutaanut isaasimapput illulu ikuallatsissimallugu.
Aqqusinerni akerliussutsimik takutitsisut naalakkersuisut ataasiinnarmik meeraqaqqusinerat akerliuffigisimavaat, ullumikkut sakkortusigaluttuin-nartumik malitsinniarneqartoq.
Akerliunermik takutitsisut oqarnerat malillugu malittarisassanik sukaterinerup kingunerissavaa inuit ataaseq sinnerlugu meerartaartut 10.000 Yen angullugu akiliisinneqartalissasut, tassa qallunaat aningaasaat 7200 koruunit missaannik akiliisinneqartalissallutik.
Kinami oqartussaasut pisut oqaaseqarfigerusunngilaat, Reuters-illi nutaarsiassaqartitsivianut nassuerutigaat eqqissiviilliortoqartoq. Kinami napparsimmavimmi nakorsat ilaat oqaluttuarpoq akerliussutsimik takutitsisoqareerneratigut ikiligaasimasut arlallit napparsimmaviliaanneqarsimasut, naalagaaffimmilu atorfillit marluk taakkununnga ilaasimallutik.