Amerlanerussutillit qallunaat sakkutuui angerlaraqquaat
Isumasiuineq Epinionimit Danmarks Radiomut suliarineqartoq naapertorlugu innuttaasut 55 procentiisa qallunaat sorsunnermi peqataaqqinnissaat naaggaarpaat.
Danmarks Radiomi Henrik Lerche Afghanistanimiippoq qallunaallu sakkutuui oqaloqatigalugit.
Taanna uani oqaluttuarpoq innuttaasuni isummat allanngornerannut sakkutuut qanoq oqaasissaqarnersut.
Imaanngilaq isumasiuereernerup kingornagut poortuileriissasut angerlakaallutillu, kisiannili nalunanngilaq tapersersorneqarnertik allanngorsimasoq paasigaat.
Sakkutuunut pingaarutilik tassaaneruvoq taakkua ilaqutaasa tapersersuinerat qanoq ittuunersoq. Oqaloqatigisamalu tamarmik angerlartitaanissartik aammalu Danmarkip Afghanistanimi suliniutaa ilaquttaminnit tamakkiisumik tapersersorneqartoq oqaatigaat.
Tamattali sakkutuunut assersuutissanik nalunngisaqarpugut, Danmarkimi angajoqqaalinnik angerlartitsinissamut tapersersuerpianngitsunik aammalu pineqartut angerlartitaanissaminnut naaggaaqqullugit angerlartitaanissaminnilluunniit unitsitsiinnaqqullugit pinngitsaalineqartartut.
Assersuutissat arlalippassuupput, nalunanngilarlu innuttaasuni isummat allanngorpata, taava sakkutuut assersuutissat amerlanerusut namminneq qanigisaminnit pinngitsaalineqartartut takusalissagivut. Tamannalu assorsuaq ilungersunarluni.
