Amerlanerit namminerissaminnik ineqalissapput

Nunatsinni inissaaleqisoqaraluaqisoq Namminersornerullutik Oqartussat inissianik amerlanerusunik sanaartornissanik pilesaaruteqanngillat. Taarsiullugu ineqarnermut naalakkersuisup Kim Kielsenip neriuutigaa inissiat attartukkat 90 procentiisa attartortunit pigineqalernissaat.
Allattoq Louise M. Kleemann
oktobarip 29-at 2008 07:32

- Inissaaleqinerup anigorniarnerani iliuuserisinnaasarput pitsaanerpaaq tassaavoq ininik attartortut inigisaminnik piginneqataalernissaat, ineqarnermut naalakkersuisoq Kim Kielsen nassuiaavoq. Nunatsinni inissiat 80-90 procentii Namminersornerullutik Oqartussanit pigineqarput. Attartortut piginneqataalernerisigut inissaaleqisut pitsaanerusumik, piaarnerusumillu ikiorsinnalissavavut; attartortummi inigisatik pigilerpatigik Namminersornerullutik Oqartussat inissiat 10 procentiinnai pigisarilissavai, ineqarnermut naalakkersuisoq Kim Kielsen oqarpoq. Qularinnginnerarpaali siunissami inuiaqatigiinni aningaasarsiornerup pitsanngorneragut amerlanerit namminerisaminnik íneqarnermut naalakkersuisup ilimagaa ilaqutariit 2.000-t missingi namminerisaminnik ukiuni qaninnerni initaarsinnaanissaat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq