Timmisartut nakkartut aappaat tassaavoq sorsuut F-18.Assi: John Krzesinski/Flickr Creative Commons

Amerikamiut sakkutuuisa timmisartui marluk Japanip sineriaani sungiusartillutik nakkartut

Sakkutuut timmisartui sisamanngornerup unnuaani sungiusarput, timmisartullu marluk nakkarmata inuit arfinillit maqaasineqarput, Reuters allaaserisaqartoq DR.DK allaaserisaqarpoq.

Timmisartut sorsuutit F-18-it aamma timmisartoq orsersuisinnaasoq sungiusarnermi ajutoortoqarneratigut nakkartut, sakkutooqarfiup nalunaarutigigaa, AFP allaaserisaqarpoq.

Timmisartumi inuttaasut maanna ujaarineqarput.

Amerikamit tusagassiorfiit allaaseraat, timmisartumi F-18-imi inuttat marluusimasut aappaanilu tallimaasimasut.

Japanimi illersornissaqarfimmi oqaaseqartartup oqaatigaa, inuk ataaseq annaanneqarsimasoq, inuttanullu allanut arfinilinnut ujaasineq sisamanngornermi nanginneqartoq.

- Japanimi illersornissaqarfiup ujaasilluni ikiuunnera qujamasuutigaarput amerikami sakkutooqarfik tusagassiutinut taama nalunaaruteqarpoq.

Timmisartut nakkarnerat sumik pissuteqarnersoq suli ilisimatitsissutigineqanngilaq.

/ritzau/

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat