Amerikamiut sakkutuui kingulliit Afghanistanimit qimagupput
USA-p Afghanistanimi sakkutuuminik angerlartitsinini maanna naammassivaa.
USA-mi illersornissaqarfiup qitiusumik aqutsisoqarfiata naalaagaa Kenneth F. McKenzie taama ilisimatitsivoq.
USA-mi 2001-imi septembarip ulluisa aqqarnanni peqqarniisaarniartoqareersorlu USA iligisaalu Afghanistanimut isaapput, taamanikkorniillu sakkutuuliisimalluni.
Afghanistanimi islamisiortut Talibanit illoqarfiit pingaarnersaat Kabul tiguarmassulli sakkutuujunngitsut 123.000-t tassannga qimagussorneqarsimapput.
Sakkutuut naalagaat Kenneth F. McKenzie taama ilisimatitsivoq.
Talibanit oqaaseqartitaata Danmarkimi ippassaq unnuttoq nalunaarutigaa Kabulimi mittarfik aqutarilersimallugu. Nutaarsiassaqartitsivik AP taama allaaserisaqarpoq.
USA-p sakkutuui kingulliit Kabulimit qimagutereersullu Kabulimi eqqartoqarpalunnera takunnittut taassuma saniatigut oqaluttuaraat. Tusagassiorfiit Talibaninik tapersersuisut taama oqarput.
USA-p Afghanistanimi ukiuni 20-ni sakkutuuleereersimalluni qimagunnera Talibanit nuannaarutigaat.