Amerikamiut republikanerit unnuaq ajugaatippaat
Præsident Obamap USA-mi innuttaasut sinnerlugit sinniisoqarfimmi amerlanerussuteqarnini annaavaa, Senatimili amerlanerussuteqarnera suli taamaaginnarpoq.
novembarip 03-at 2010 09:15
Qinersinerup inernera paasinarsipajaarmat, præsident Obama republikanerinut siulittaasunngortumut, John Boehnerimut, sianerpoq, kaammattorlugulu, USA-mi præsidentimut ukiut marluk qaangiuppata qinersinissap tungaanut suleqataalluaqqullugu.
Qinersinerup inernera pillugu Boehner oqarpoq, Obamap aqutsinera allanngortariaqartoq.
Republikanerilli ajugaaginnanngillat. Demokraatit Senatimi amerlanerussuteqaqqalaaginnarput, taannalu annaassanngikkallarpaat.
Qinersisartut kikkunnulluunniit attuumassuteqanngitsut konservativitut qinersinerat republikanerit ajugaanerannut pissutaanerpaavoq.
Barack Obamap 2008-mi ajugaaneranut maanna qinersisut ajugaatitsipput.
