Amerikamiut qulimiguuliat nakkarmat 13-it ajunaarput
Allattoq Najaaraq Egede
Qulimiguulik amerikamiut pigisaat Irakimi Bagdadip avannamut kangiani ualiartoq nakkarmat, issimasut 13-it tamarmik ajunaartut, Amerikami sakkutooqarnermut qullersaqarfik nalunaarpoq.
Qulimiguulik suna pillugu nakkarsimanersoq erseqqissumik oqaatigineqarsinnaanngilaq.
Amerikamiut sakkutuui Irakimi 2003-mili sorsullutik aallartimmata qulimiguullit 20-t missaanniittut nakkarput, ullumilu aatsaat taama amerlatigisunik ataatsikkut ajunaartoqarpoq.