Amerikamiut nannut eqqissisimatitaasinnaanerannik misissuipput
Nannut USA-mi uumasut nungutaanngujoortut allattorsimaffiannut ilanngutissanerlugit USA-mi oqartussat maanna nalilersuipput.
USA-mi uumasut pinngortitarlu pillugit sullissivik, US Fish and Wildlife Service taama nalunaaruteqarpoq.
Silaannaap allanngoriartornera ilutigalugu nannut atugarisaannik misissuinini Sullissiviup aallarteqqammerpaa, misissuinerlu aallartippoq
nannut atugaannik pitsanngorsaaqqusillutik uumasunik illersuiniaqatigiiffiit amerikami oqartussanik eqqartuussisulersuussimmata.
Uumasut nungutaanngujoortut allattorsimaffiannut nannut ilanngunneqassagunik USA-mi Alaskamilu inatsisitigut illersugaanerulissapput.
Amerikap issittortaani nannut najugannaavinik illersuineq taava inatsiseqalertuuppat, soorlu suliffissuaqarfiit silaannarmik mingutsitsisunik gassanik atuissagunik akuersissummik piniaqqaartalissapput kiisalu biilit benzinartornerat killilersorneqalissagaluarluni.
USA-mi nannunniartarnermik killilersuiniarluni misissuinerup nannunik nunamut eqqussisinnaajunnaarnermik kinguneqarsinnaanera Canadamiunit aarleqqutigineqarpoq, tassami amerikamiut ilaatigut 190.000 koruuninik akiliillutik Canadami nannunniartarmata.
