Amerikamiut Lomborg akorluavippaat

Filmi Amerikami filmertarfinni takutinneqaqqammerpoq, Bjørn Lomborgilu aammaloorluni nunarsuarmi silap pissusaa pillugu isummaminik allakkajaanik tv-qarfimmi CNN-mi ippassq annissivoq.

Amerikarmiullu oqariartuutaa nuannaraat:

- Nå, tassa illit Al Gore-mut akerliusoq? Taama CNN-mi apersuisoq aperivoq.

- Naamik, Bjørn Lomborg akivoq, Al Gore angutaavoq inunnik ersititsiniartoq, angutaavoq atorfissaarunnikoq, Lomborg nangippoq qinngasaarerpasilluni.

Lomborgip filmiliaa ateqarpoq 'Cool it', taannalu kalaallisuungortillugu eqqissisaanertut nutserneqarsinnaavoq.

Ima annilaangatigaavut erseqqissumik eqqarsarsinnaanata, Lomborg, silap pissusaata oqallisaanera pillugu tunngavilersuivoq.

Soorlu siornatigut oqarsimasoq annilaangassutissaqanngitsugut silap pissusaata allanngoriartornera pillugu.

CNN-mi pulaartitsisui qungujulaartuinnaapput Lomborg USA-mi isumaqatigineqarluarmat, USA-mi nunaavoq kimigiiserfigisaq. Aningaasarsiornerup ajorluinnartup silap pissusaa pillugu oqallinneq nillertuinnanngortissimavaa, ilimanaateqarporlu USA sapaatip akunnialui qaangiuppata Mexicomi silap pissusaa pillugu nunat tamat ataatsimiineranni uparuartorneqassaqisoq.

Taamaattumik amerikamiut Lomborgip oqariartuutaa akorluavippaat.

- Una angut inuusuttoq assut nuannaraarput, tassa nutaarsiassaqartitsiviup Fox News-ip Lomborg pillugu isumaa.