Amerikamiut issittumut tunngasut soqutigileraluttuinnaraat

Inuit silaannaallu allanngoriartornera pillugit USA-mi Thin Ice-mik taallugu Dartmouth College-mi Hood Museet-imi saqqummersitsinersuaqarpoq. Aamma Aqqaluk Lyngep saqqummersitsinerup ammarneqarnerani oqalugiaataani ‘Thin Ice’ imaluunniit ‘Siku Saattoq’ sammineqarpoq. Oqalugiaammini silaannaap allanngoriartornerata nunatsinnut sunniutai aamma piniartuunermi kulturi aamma kulturi mutiusoq maanna ineriartortoq eqqartorpai. Amerikamiut issittumut tunngasunik tusartaleriaramik, issittumut tunngasut soqutigileraluttuinnarpaat aamma nunarput pillugu tusagaqarusuttunik tusarnaariarpassuaqarpoq. Saqqummersitsinersuarmi qaammatini tallimani ingerlanneqartussami, takutinneqarput Inuit nunatsinni, Canadami Alaskamilu 1900-kkunni silaannaap allanngoriartorneranut qanoq naleqqussarsimanerat. Aqqaluk Lynge ammaanermi oqalugiarnermi saniatigut ilisimatuut ilisimatusartullu siunissami suleqatigiissinnaaneq pillugu oqaloqatigisimavai.