Amerikamiut isornartorsiuinerannut Kina akerliviivoq
Kinap nunanut allanut ministeria isumaqarpoq, Amerikamiut Sorsunnerup Nillertup nalaannisut pissusilersoratik naligiissumik suleqatiginnilertariaqartut.
- Inuit pisinnaatitaaffii pillugit USAp oqaloqatiginissaanut piareersimavugut, tamannali naligiissumik ataqqeqatigiissumillu pissaaq, Kinap nunanut allanut ministeria Yang Jiechi, Beijingimi tusagassiortunik katersortitsinermi oqarpoq.
- Kisianni pitsaanerusumik ingerlatsisutut nittarsaanneq aamma isummat pitsaasut qanoq iliornerillu naleqqutinngitsut akulerussuullugit pissusilersorneq akerleraarput, aamma inuit pisinnaatitaaffii neqitsiullugit Kinami namminermi pissutsinut akuliunneruvoq, Kinami nunanut allanut ministeri oqarpoq.
USA-p nunanut allanut ministeeriaqarfiata Kina isornartorsiorpaa sukangasuumik naalakkersuinerarlugu.
Kinamiut ukiormanna OL-imik aaqqissuusisussat Amerikamiunullu niueqatitut pingaaruteqarluinnartut nalunaarusiorlutik, USA innuttaasunik ikinnerussuteqartunik nakuusernermik immikkoortitsinermillu ingerlatsinerarlugu akissuteqarlutik isornartorsiuisarput.
