Amerikamiut Isaksen Design nuannaraat
-Allamik annerusumik nersualaarutitullusooq pineqarsinnaanngilagut, aamma neriuppugut pisiniarfiup Japanimi immikkoortortaani tunisaqarsinnaalissalluta, Nickie Isaksen oqarpoq.
Takashimaya New Yorkimi aqqusinermi pisiniarfeqarfimmi 5th Avenuemiippoq, taanna filmiliaritittartut tusaamasat pisiniarfinnaaraat. Pisiniarfissuup Isaksen Designimeersut ukiuni tallimani tuniniagarisimavai maannakkullu tassa tunisaanerpaanut ilaalersimallutik. Ilusilersuisarfimmeersumik ilaatigut Hillary Clinton jakkeqarluni assilitissimavoq. Atisaliorfik panigiit, Rita aamma Nickie Isaksen ingerlataraat.
Atisaliugaat tamarmik aappalaartunik, qaqortunik qernertunillu qalipaaserneqartarput qalipaatit taakkua kalaallisuuni atorneqartarmata. Qaqortoq siuaat saarnginut eqqaassutissaavoq, qernertoq anersaat silarsuaannut aappalaartorlu inuunerup aavanut eqqaaniutaalluni.
