Irakip ministeriunerata Iranimi sakkutuut naalagaasa ilaannut qaartartumeerisoqarneranut assuarinnittuusup tamanna Irakimi sorsuuttoqalerneranik kinguneqassanerarpaa.Assi: Aamir Qureshi/AFP/Ritzau Scanpix

Amerikamiut Irakimit qimagunnissaat kaammattuutigineqartoq

Iranip illersornissaqarfiani sakkutuut naalagaasa qullersaasa ilaat USA-p Bagdadimi qaartartumeerinerani ippassaq toqutaareersorlu, amerikamiusut innuttaassusillit Irak piaarnerpaamik qimassagaat, USA-p Irakimi aallartitaqarfiata kaammattuutigaa.

- Amerikamiusut innuttaassusillit timmisartorlutik Irakimit qimagussinnaappata periarfissaq taanna atortariaqarpaat, tamannalu pisinnanngippat allatigut aqqutissarsiorlutik Irak qimattariaqarpaat, aallartitaqarfik taama ilaatigut allaaserisaqarpoq.

Iranimi sakkutuut naalagaasa ilaat Qassem Soleimani, timmisartuaqqamit ungasianit aqunneqarsinnaasumit Bagdadip timmisartoqarfiata eqqaani qaartartumeerneqarluni toqutaavoq, soorlu aamma Iranimiut qullersaasa ilaat aamma toqutaasut.

AAMMA ATUARUK Iranimiut sakkutuuisa naalagaat amerikamiunit toqutaasoq

Soleimani, sakkutuunut revolutionsgardemik taaneqartartunut naalaagaagaluarpoq, Iranillu qullersaanut Ayatollah Ali Khameneimut tullersortitut ilaatigut taaneqartarluni.

Irakip ministeriunerata Iranimi sakkutuut naalagaasa ilaannut qaartartumeerisoqarneranut assuarinnittuusup tamanna Irakimi sorsuuttoqarneranik kinguneqaratarsinnaanerarpaa.

Iranimi sakkutuut naalagaasa ilaata toqutaanerata kingunerisaanik uuliap akia qaffalertupallappoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat