Dollarip akikillineranut amerikami illut inissiallu akiisa ajornartorsiutigineqarnerat peqqutaavoq.
Sydbankimi cheføkonomip, Jacob Gravenip oqaasii malillugit, dollarip akikillinera Europamut iluaqutissartaqassaaq, soorlu uuliap benzinallu akikinnerulernerisigut.
Piffissami aggersumi aamma USA-mi takornariaalluni akikinnerulissaaq, Air Greenlandillu Baltimoriliartitsisarneranut aappaagu aamma iluaqutaasinnaalluni.
Dollarip suli akikilliartornissaa ilimagineqarpoq, Sydbankillu Cheføkonomiata oqaasii naapertorlugit dollari ataaseq 5 koruuninik 15 oorinillu akeqalissaaq.