Assi: U. S. Embassy in Denmark

Amerikamiut aallartitaat nutaaq sulilersoq

57-inik ukiulik Carla Sands amerikamiut Københavnimi aallartitaattut ullumi sulilerpoq. Piginnaatitsissutiminik Dronning Margrethemut tallimanngormat tunniussinermi kingorna aallartitatut sulisinnaanngorpoq.

Præsident Trumpip Præsidentip Illorsuanut iserterneranit qaammatit aqqanillit qaangiutillartullu aallartitamik ivertitsisoqarpoq.

Videomi amerikamiut Københavnimi aallartitaqarfiata saqqummersitaani Carla Sands oqaluttuarpoq sulilernissani qilanaaralugu.

- Inummit-inummut attaveqarnissaq, illersornissaq sillimaniarnerlu pillugit suleqatigiinneq kiisalu niuerneq aningaasalersuinerlu pingaarnertut aallutariniarpakka, Carla Sands videomi taama oqarpoq.

AAMMA ATUARUK Trump Danmarkimut aallartitassamik nutaamik toqqaasoq

Aamma oqaatigaa aallartitatut sulilernermini "Kalaallit Nunaata Savalimmiullu pinngortitarsui pikkunartut takunissaat inuisalu tikeraarnissaat qilanaaralugu".

Aallartitanngortoq naalagaaffimmit Californiameersuuvoq, kiropraktoritut ilinniagaqarpoq siornatigullu aamma isiginnaartitsisartuusimalluni. Nunanut allanut politikkikkut attaveqarnermik siornatigut suliaqarsimanngilaq.

Carla Sands panini inuusuttuaraq peqatigalugu Danmarkimut nuuppoq, aallartitatullu taarserpaa Rufus Gifford, USA-mi Kongressimut 2020-mi qinersinermi Demokraatit sinnerlugit sassarniarluni qanittukkut nalunaaruteqartoq.

AAMMA ATUARUK Rufus Gifford ked af at skulle forlade Danmark

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!