Amerikamiu Canadami nannumit saassunneqartoq
Angut Amerikamiu Canadami asimi tammaarsimaartilluni sapaatip akunnerani kingullermi nannumit saassunneqarnermi kingorna ikilerneqarujussuarsimasoq nalunaarutigineqarpoq.
Allattoq Karsten Sommer, Elisa Isaksen
Angut asimiinnermik nuannarisalik taanna tassaavoq Matt Dyer, Amerikamilu nunap ilaani naalagaaffimmi Maine-imi eqqartuussissuserisutut atorfeqarluni. Angut taanna Paggivittami nunami allanngutsaaliukkami alianaaqisumi Torngat Mountains-imiitilluni nannumit pingasunngormat saassunneqarpoq.
Taanna saassunneqarnermi kingorna Montrealimi napparsimmavimmut unitsinneqarpoq, maannalu nakorsanit ikiorneqartoq oqaatigineqarluni. Aamma pitsaanerulersoq nuliata oqaatigaa.
- Uumaannarsinnaanissaminut ikiorneqarluni pitsaasumik nakorsarneqarpoq, nulia napparsimmavimmiit taama oqaaseqarpoq.