Aatsitassanut Suliffeqarnermullu Naalakkersuisoqarfik Kalaallit Nunaanni aatsitassanik suliassaqarfimmut tunngasunik saqqummiussaqarlunilu USA-mut pingaaruteqartunik nunatsinni aatsitassaqarneranik aatsitassanillu pilersuisinnaanermut ilimanaateqarneranik ilisimatitsissuteqarpoq.

Amerikamit aallartitat naalakkersuisorlu aatsitassat pillugit oqaloqatigiittut

Amerikamit aallartitat naalakkersuisunullu ilaasortaq, Erik Jensen aatsitassat pillugit ineriartortitsinissaq pillugu ataatsimeeqqammerput.

Amerikamit aallartitarpassuit, illersornissaqarfimmeersut sillimaniarnermullu suliaqartut Nuummiittut danskit tusagassiorfiisa sapaatit akunnerata ingerlanerani saqqummiunneqarput.

Aallartitat ilagaat nunanut allanut ministereqarfimmi atorfilittat ilaat Thomas Ulrich Brechbuhl. Amerikamiullu Danmarkimi aallartitaat Carla Sands.

AAMMA ATUARUK Tusagassiuutit: Pompeop bulldogia Trumpimit Kalaallit Nunaannukartinneqarpoq

Namminersorlutik oqartussat sisamanngornermi ilisimatitsissutigaat aallartitat aatsitassanut naalakkersuisoq suliffeqarnermullu naalakkersuisoq ataatsimeeqatigisimagaat.

Ataatsimiinnermi Aatsitassanut Suliffeqarnermullu Naalakkersuisoqarfik Kalaallit Nunaanni aatsitassanik suliassaqarfimmut tunngasunik saqqummiussaqarpoq, USA-mullu pingaaruteqartunik nunatsinni aatsitassaqarneranik, aatsitassanillu pilersuisinnaanermut ilimanaateqarneranik ilisimatitsilluni.

Kalaallit Nunaanni aatsitassanik suliassaqarfiup ineriartortinnissaanut periarfissat, USA-p aamma nunattalu akornanni aatsitassanik suliassaqarfimmi siunissami suleqatigiissinnaaneq aamma oqaluuserineqarput.

AAMMA ATUARUK Amerikamiut admiraliat nunatsinnut tikeraalersoq

- USA-lu ilusilersukkatut suleqatigiinneq ammasumillu oqaloqateqarneq pingaartippakka, aamma aatsitassanik suliassaqarfiup ineriartortitaanera aqqutigalugu Kalaallit Nunaannik aamma USA-mik iluaquteqartitsisinnaasutut aatsitassanik suliassaqarfimmi piviusunik suliarisatigut attaveqarfiusup ineriartortitaanissaa qilanaaraara, Erik Jensen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat