Amerikami sioqqutsillutik qinersisut 90 millionit angugaat
Qinersisartummi 90 millionit maannamut qinersereersimasut amerikami qinersisartunut nalunaarsuiffimmi kisitsisit takutippaat.
Qinersinissaq sioqqullugu 2016-imi taasisut 58 millioniupput. Taakkununnga allakkatigut qinersisut ullormi qinersivimmi tunniunneqartut kisitsisinut ilaapput.
USA-mi præsidentinngorniuttunut Donald Trumpimut Joe Bidenimullu soqutiginnittorpassuaqarneranut takussutissaasoq siusinaartumik qinersisut takutippat.
Coronavirusillu tuniluutilertorfiani tunillatsinnissaq pinaveersaartinniarlugu sioqqutsilluni qinersisut aatsaat taama amerlatiginerinut pisooqataasoq nutaarsiassaqartitsivik Ritzau allappoq.
Qinersisartut katillugit 150 millionit qinersinissaat amerikami qinersisartunut nalunaarsuiffimmit ilimagineqarpoq. Sioqqutsilluni qinersinikkut ullumiluunniit qinersivimmi. Tassa qinersisinnaasut 65 procentii qinersinissaat ilimagineqarluni. Kisitsit 1908-miilli aatsaat taama qaffasitsigaaq.
