Amerikami kilitsissiaqarfiit Gorbatjovimut isumaqataanerupput

Taamaattorli Amerikami kilitsissiaqarfiit Gorbatjov-imut isumaqataanerupput.

Qularutissaanngitsumik ukiut qulingiluat sorsunnerup sakkortunerpaaffini tikippaa.

Amerikamiut sorsullutik iliuuserisartagaat amerlinikuupput, Talebanit siuttui 235-t qaammatit pingasut ingerlaneranni toqutaasimapput. Piffissami tassani amerikamiut timmisartuisa qaartartut aallartittakkat Afghanistanimi eqqugassanut 700-nut igeriussimavaat, tassa siornamut naleqqiullugu pingasoriaammik amerlanerit.

Kisianni Talebanit siuttuat, Mullah Omar, ima issuarneqarpoq: "Utaqqiinnaritsi, alla nutaaq utaqqivoq." Kisianni Talebani nutaajunngitsoq, Obamalli sorsunnermik sukaterinera pilersaarutit malillugit aasarumut naammassineqartussaq.

Taleban isumaqarpoq manngertitaaginnarallarnissaq pisariaqartoq, taava qaammatialunnguit qaangiuppata ajugaassallutik. Taamatut naliliineq pivoq amerikamiut kilitsissiaqarfiinit aviisip Washington Postip oqaloqatigisimasaanit. Tamarmik assigiimmik oqaaseqarput: Aap, Taleban sumiiffinni assigiinngitsuni ajorsartitaavoq qimaatinneqarlunilu, kisianni Talebanip sorsukkumatussusia taannaaginnarpoq.

Talebanip siuttua Mullah Omar ilagisaalu Pakistanip illoqarfiani Kreshamiipput, amerikamiunit allanilluunniit attorneqarsinnaanatik. Talebanip siuttui tulleriaarlutik toqorarput, sakkutuumilli allamit tulliuttumit taarserneqartuarlutik.

Taava taaneqarsinnaapput amerikamiut tiguarsimasaanni kiserngoruttut. Sakkutuut toqoraasussat qimanneqartarput naalakkerneqarsimasut Afghanistanimi naalakkersuisut siuttut toqqagaat takuppata toqoqqullugit.

Taava aamma eqqartorneqartorujussuit, tassa naalakkersuisut Talebanillu akornanni isumaqatiginniarnerit.

Uppernarsarneqartarppoq isumaqatiginninniarnerit pisartut, kisianni Taleban isumaqatiginninniarnernut takkuttartoq alapernaasiinnarluni allanillu siunertaqarani.