Orpippassuit 2008-imili aatsaat taama piiarneqarsimatigaat, Christiane Mazzettillu, Greenpeacemeersup, tamanna quarsaarutigaa.Assi: marco antonio pereira de freitas junior [CC BY-SA 4.0 (https://creativecommons.org/licenses/by-sa/4.0)]

Amazonasimi orpippassuit ukiut aqqanillit ingerlaneranni aatsaat taama piiarneqarsimatigaat

Amazonasimi orpippassuit 30 procentii ukiup kingulliup ingerlanerani piiarneqarsimapput, kisitsisillu avatangiisinik illersuiniaqatigiiffimmit Greenpeacemit quarsaarutigineqarput.

Brasiliami Amazonasimi kiattup orpippassuini orpiiaaneq ukiup kingulliup ingerlanerani 30 procentinik annertuseriarpoq.

Orpippassuit 10.000 kvadratkilometeritungajaat annertutigisut siorna aggustimit ukioq manna juulip tungaanut piiarneqarsimapput..

Avatangiisinik illersuiniaqatigiiffik Greenpeace, tusagassiutinut nalunaarummi taama allaaserisaqarpoq, Brasiliap avataarsualiartitsisarfiata qaammataasanik assilisimasai naapertorlugit taama nalunaaruteqarluni.

Orpippassuit 2008-imili aatsaat piiarneqarsimatigiooyt, Christiane Mazzettillu, Greenpeacemeersup, tamanna quarsaarutigaa.

Nunaateqarneq Bolsonarop pingaartippaa

Brasiliap præsidentia Jair Bolsonaro Brasiliami orpippassuit taama piiarneqapallatsiginerannut pissutaasoq, taanna oqarpoq.

Bolsonaro, Brasiliami præsidentitut ukioq manna januaarip aallaqqaataani ivertinneqarpoq.

Brasiliami nunaateqarnerup piorsaavigineqarnissaa, taassuma siorna ilaatigut qineqqusaarutigaa, Brasiliami aningaasarsiorneq piorsaaviginiarlugu nunaateqarneq piorsaavigineqartariaqartoq, taamanikkut oqarpoq, tamannalu pillugu orpippassuit piiarneqartariaqarnerarlugit.

Brasiliami orpippassuit piiarneqapallannerujussuat ernumanartoq, Brasiliami naalakkersuisut nassuerutigaat, orpippassuillu annaanniarneqartut oqaatigalugu.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat