Amazonasimi orpippassuit ikuallannerannit CO2 annertooq aniatinneqartoq
Amazonasimi kiattup orpippassuisa ikuallanneranni CO2-p aniatinneqartup annertussusaa, amerikamiut avataarsualiartitsisarfiata NASA-p qaammataasanit assilisani saqqummiuppai.
Videnskab.dk taama allaaserisaqarpoq.
Amazonasimi orpippassuit ikuallanneranni CO2 aggustip ulluisa arfineq-pingajuannit 22-ata tungaanut aniasoq qaammataasat assilisaasa takutippaat. Orpippassuit ukioq manna januaarimi ikuallalerput.
CO2 aniatinneqartoq silaannarmi appanisserusumiitsinneqaleruni tamanna inuit peqqissusaannut ajoqusiisinnaavoq.
AAMMA ATUARUK Militærfly og soldater bekæmper brande i Amazonas
NASA-p atortorissaarut Athmospheric Infrared Sounder, CO2-mik aniatitsinermik 5500 meterit tikillugit qutsitsigisumi uuttortaasinnaasoq, atorsimavaa.
CO2 tassaavoq gassi mingutsitsisoq, qaammat ataaseq angullugu silaannarmiissinnaasoq, silallu kiatsikkiartorneranut sunniuteqarsinnaasoq.
CO2-rli Amazonasip qulaaniittoq anorlernerani ammut supineqarsinnaavoq, silaannarlu taamaalinerani inunnut ulorianarsinnaalersarluni.
Brasiliami orpippassuarni ikuallannnerit siorna 2018-imi katillugit 40.000-it pisortatigoortumik nalunaarsorneqarput. Ikuallannerit ukioq manna 2019-imi januaarimit aggustimut 73.000-it nalunaarsorneqarsimasut, Brasiliap avataarsualiartitsisarfiata INPE-p nalunaarutigaa.