Amalienborg seqernup nukinganik tigooqqassutilersoqquaat
Kunngikkormiut Danmarkimi innuttaasunut maligassiuilluartariaqarput, pingaartumik eqqarsaatigalugu sila pillugu Københavnimi decembarimi ataatsimeersuarnissarsuaq, taama Nordjyske aamma Fyens Stiftstidende allaaserinnipput.
Venstrep avatangiisinut tunngatillugu oqaaseqartartua Eyvind Vesselbo, oqarpoq kunngikkormiut ataqqinartorsuartut inissisimanertik tunngavigalugu maligassiuisariaqartut.
- Danmarkimi kunngikkormiut ataatsimeersuarnissaq pisussaasoq nalunngilaat, taamaammat silap pissusaanut tunngatillugu eqiinganerusariaqarput, Vesselbo isummersorpoq. Venstremeersoq taama oqarnermigut Socialdemokratinit SF-imillu taperserneqarpoq.
Kunngikkut sinnerlugit avammut oqaaseqartartoq Ove Ullerup oqarpoq, kunngikkormiut avatangiisinut innarliinnginnerusunik atuinissaminnik qangali pingaartitsinertik takutittalereeraat.
- Kunngikkormiut tamarmik illussaarsuarnik atuinerminni, atortulersornerminni, nioqqutissanik pisiniarnerminni illorsuarnillu ulluinnarni ingerlatsinerminni avatangisinik mingutsitsinngitsunik atuinissartik pingaartittuarpaat, Ove Ullerup oqarpoq.
